Kisha e “Shën Nikollës”

Kisha e Shën Nikollës në Janjevë është një kishë katolike që ndodhet në fshatin e Janjevës. Kisha katolike e Janjevës është ndërtuar në vitin 1856, në gërmadhat e kishës së vjetër mesjetare. Mirëpo historia e kishës së Janjevës daton qysh nga themelimi i fshatit. Në vitin 1856 është ndërtuar kisha e re katolike sipas planit të një arkitekti të njohur hungarez. Në Janjevë kanë qenë tri kisha. Pranë këtyre kishave janë gjetur tri këmbana dhe dy sarkofag. Sipas Gaspër Gjinit, në Janjevë, dokumentet e vitit 1328, përmendin Kishën e Shën Nikollës, me famullitarin e saj katolik. Këmbana më e vogël që edhe sot gjendet në këmbanaren e kishës së Janjevës, daton që nga viti 1368, dhe ka mbishkrim gotik. Kisha e vjetër e Shën Nikollës ishte e ndërtuar në vitin 1856. Në vitin 1885 u ndërtua kisha e re në themelet e kishës së vjetër. Në muret e kishës së ndërtuar gjatë këtij viti është murosur një pllakë guri, me shkronja latine, e cila është sjell prej rrënojave të kishës së vjetër. Nga një dokument të Klementit VIII, të vitit 1346, kuptojmë se ipeshkvi i Kotorit, e ka pasur të drejtën të kujdeset edhe mbi kishën e Janjevës. Siç shihet kisha e vjetër në Janjevë, i është kushtuar Shën Nikollës. Në kuadër të kësaj kishe gjenden edhe objektet ndihmëse që shfrytëzohen nga meshtarët. Është me interes të ceket se në murin e konakut të kësaj kishe, është murosur një stelë e periudhës romake, që i takonte shekullit II-IV të erës sonë.

Gjeoreferenca: 42.573920 , 21.248870
Plus Code – Google Maps: H6FX+HG9 Јаnjevë
Kategoria: Kulturë
Nënkategoria: Kulti/Kishë
Statusi ligjor i mbrojtjes: Jo
A përdoret për turizëm?: Po
A ka potencial për turizëm në të ardhmen?: /
Infrastruktura rrugore deri në lokacion: E mirë
Shenjëzimi dhe orientimi deri në lokacion: Nuk ka shenja rrugore
Tabelat në lokacion: Nuk ka fare tabelë