Shtëpia e “Nikola Kodić”

Në jug të kishës së “Shën Nikollës”, në kryqëzim të rrugës “Dubrovniku” me rrugën “Janjeva e vjetër” gjendet parcela jo e rregullt e familjes Kodić, ku shtrihen dy ndërtesa banimi me një oborr në mes. Në bazë të tipologjisë, materialeve dhe teknikës së ndërtimit shtëpitë supozohet të jenë ndërtuar në shekullin XIX. Shtëpia i takon familjes Kodić, respektivisht Nikola Kodić, të cilët e kanë braktisur Janjevën në vitet 1993-1994. Në aspektin e jashtëm ka një trajtim linear arkitektonik, ku theksohet fasada ballore e cila ka gjerësi të vogël në krahasim me lartësinë e saj. Fasadës lineare i japin dinamikë dy hapje të dritareve dhe një derë, të cilët janë vendosur në mënyrë jo të rregullt në përdhesë dhe kat. Dritarja e përdhesës mbyllet me kapak druri, kurse ajo në kat ka kornizë drejtkëndëshe druri, ku ndarja horizontale është e dekoruar me formë gjeometrike të rregullt. Kornizat e tilla datojnë nga fillimet e shekullit XX, duke e shndërruar një njërën nga pikat referuese kryesore të Janjevës.

Krasniqi, N. A., & Nrecaj, M. A. (2019). Shtëpitë karakteristike të Janjevës. Oral History Kosovo, 14-15

Plus Code – Google Maps: H6FX+68P Јаnjevë
Kategoria: Kulturë
Nënkategoria: Ndërtesë Banimi / Tradicionale
Statusi ligjor i mbrojtjes: Jo
A përdoret për turizëm?: Po
A ka potencial për turizëm në të ardhmen?: /
Infrastruktura rrugore deri në lokacion: E mirë
Shenjëzimi dhe orientimi deri në lokacion: Nuk ka shenja rrugore
Tabelat në lokacion: Nuk ka fare tabelë